你妳 (已結業)

之前都买过几次小食及饮品，今晚唔想出街食饭，所以即刻谂到喺度买外卖，晚上特别多人，我前面最少有5～6个客， 佢哋系即叫即整，所以都等咗差唔多十五分钟。佢哋个包装盒设计唔错，环保得嚟都几保温。 自选便当套餐$55， 有两个主食，4个𩠌及4个小食选择， 好容易拣到自己想食嘅配搭。今次食干拌面加三层五花控肉及香芋海鲜饼，五花肉好在唔会太肥，干拌面亦唔会因为外卖而发涨或变硬身，质素唔错。 见到一个新增的超值套餐，计落真系几抵，$65有齐主食、甜品及饮品。酥炸大鸡扒蜜糖芥末吐司，甜甜地加芥末的微辣，味道有层次， 鸡扒亦有台湾夜市水平。 三色仙草芋圆加小布丁感觉正宗，材料丰富，唔会太甜。 台式饮品都有水准， 高雄红茶牛奶小芋及 金钻凤梨绿茶各有特色。