影片
更多
2018-02-02
2369 浏览
收工同朋友经过，见到太子附近有一间专门食大虾嘅专门店，门口更有一个鱼缸装住好多只有大虾，即刻吸引左我地入去试吓。餐厅装修以白色为主，木枱配合胶椅，非常舒适嘅格调。店员服务周到，随即俾咗两杯暖水我哋。餐牌上嘅台式食物图片非常吸引，而且黑板亦有餐厅厨师推介嘅食物供客人选择。随即就叫咗两杯饮品，分别系羽衣甘蓝汁，亦有两款味道可以混合果汁一齐饮，分别系苹果汁同埋雪梨汁。我个杯苹果汁味道非常清甜，有少少青菜清新嘅蔬果味道。台式嘅米粉一向都好幼滑，所以我哋叫咗鲁肉鲜虾汤米。汤底饮一啖非常鲜甜，仲有少少肉碎，米粉好爽滑而且入味，加上咁大只虾，非常满足。生烧海花螺份量都比较多，螺肉好容易刮到出嚟，点小小酱汁一齐食，更加滋味。一口炸豆腐好香脆，一啲都唔觉得会热气。朋友比较喜欢食鸡，所以叫咗一煲黑麻油鸡。远处已经闻到好香嘅麻油味道，一边煲一边食，好似打边炉咁热辣辣，鸡肉食落去肉质滑嫩，鸡肉嘅份量都几多，配以杞子等等嘅药材一齐煲，非常滋润补身。餐牌上仲有十款虾煲选择，避风塘虾同埋咸蛋黄虾更是港式限定，所以我哋叫咗避风塘虾嚟试吓。估唔到啲虾都好大只，仲要佢啲味道辣辣地，香脆可口嘅配料加上新鲜爽滑嘅虾肉一齐食，
收工同朋友经过，见到太子附近有一间专门食大虾嘅专门店，门口更有一个鱼缸装住好多只有大虾，即刻吸引左我地入去试吓。
餐厅装修以白色为主，木枱配合胶椅，非常舒适嘅格调。店员服务周到，随即俾咗两杯暖水我哋。
餐牌上嘅台式食物图片非常吸引，而且黑板亦有餐厅厨师推介嘅食物供客人选择。随即就叫咗两杯饮品，分别系羽衣甘蓝汁，亦有两款味道可以混合果汁一齐饮，分别系苹果汁同埋雪梨汁。
我个杯苹果汁味道非常清甜，有少少青菜清新嘅蔬果味道。
台式嘅米粉一向都好幼滑，所以我哋叫咗鲁肉鲜虾汤米。汤底饮一啖非常鲜甜，仲有少少肉碎，米粉好爽滑而且入味，加上咁大只虾，非常满足。
生烧海花螺份量都比较多，螺肉好容易刮到出嚟，点小小酱汁一齐食，更加滋味。
一口炸豆腐好香脆，一啲都唔觉得会热气。
朋友比较喜欢食鸡，所以叫咗一煲黑麻油鸡。
远处已经闻到好香嘅麻油味道，一边煲一边食，好似打边炉咁热辣辣，鸡肉食落去肉质滑嫩，鸡肉嘅份量都几多，配以杞子等等嘅药材一齐煲，非常滋润补身。餐牌上仲有十款虾煲选择，避风塘虾同埋咸蛋黄虾更是港式限定，所以我哋叫咗避风塘虾嚟试吓。
估唔到啲虾都好大只，仲要佢啲味道辣辣地，香脆可口嘅配料加上新鲜爽滑嘅虾肉一齐食，真系冇得顶。
呢度嘅甜品平时好少餐厅有得食，特别系我至爱嘅椰子雪糕，雪糕好硬身，正符合我对雪糕质感要求，非常浓郁嘅椰子味道，好正。总括而言，对于好钟意食虾嘅我，都觉得呢度嘅大虾烹调方式同埋味道好特别，另外其他台式食物都好有特色，所以可以不妨一试。
张贴
