米拉 (已結業)

观塘东广场真系好多野食，今次就试左米拉呢间台式小店睇下有无台湾既味道！本身谂住食佢个费城芝士牛肉包，点知无系有少少sad既。谂左一阵，我最后试左米拉招牌杂锦米粉（$42），杂锦有花枝鱿鱼丸、贡丸、卤汁鸡翼、鸡肾、鸭胸同卤蛋，鸭胸好淋，鸡翼好入味同鸡肾好爽口，米粉系用新竹米粉，米粉好滑而唔鞋口，同台湾既面线口感好似，加上米粉份量好多，坚饱！仲加左个台式香肠（$11），老板细心地切左件上，方便入口。煎香左既肠都几脆口，唔错！饮品方面饮左个仙草冻鲜奶（$19），出面都比较少有得饮净牛奶既台式饮品，多数都系奶茶（但其实台湾好兴净鲜奶加珍珠等配料），呢个我都几钟意，因为鲜奶够冻而且仙草份量都几多，简简单单好过饮珍珠奶茶啦，试下新野嘛！总括黎讲都几有台湾既味道，米粉都几好味，下次要试返个芝士牛肉包先。