小倆口台式漢堡蛋餅專賣店 (已結業)

最近喺公司附近发现一家新开嘅台式小店，专卖蛋饼同汉堡。今日咁岩同同事讲起就一齐去左试，可能因为已经2点钟，所以餐厅都唔洗等位。餐厅嘅菜式选择较少，只有唔同馅料嘅汉堡同蛋饼，同埋一个铁板乌冬可以选择。如果净叫个蛋饼做午餐个份量好似有d少，所以我哋一齐叫左一个share。味道唔错，睇落好似好甜好济，但其实个d唔系糖浆黎。个汉堡其实都几大份，仲有埋薯角俾埋你。特别欣赏个汉堡包皮有烤过，又脆又甜，好似翠华奶油猪咁。汉堡嘅馅料有番茄、生菜、芝士、蛋同牛肉。虽然佢地话佢地嘅牛肉好讲究，不过我只可以话系新鲜，食唔出同其他有咩太大分别。午餐仲包埋杯水蜜桃茶，除左呢样，仲可以拣黑糖奶茶。老板见我哋第一次黎，仲俾左个九折我哋