一起食堂 (軒尼詩道)

营业中

休息中

返工日子喺湾仔食晏劲难揾位，夜晚嘅湾仔就好好多啦，咁啱经过平时晏昼好多人嘅餐厅，见有好多位，就入去试吓啦。餐厅装修新净，仲有梳化位。食台湾嘢点少得台式品，我地点左仙草冬瓜茶同红豆奶茶，两杯都几好味。大家都唔系好饿，就决定叫一个饭加啲小食算啦，要左蒲烧鳗鱼饭，酥炸地瓜条同吉列炸蚝。蒲烧鳗鱼饭卖相几好，仲有啲日式嘅感觉添，鳗鱼好厚，配埋只温泉蛋，紫菜碎同埋啲葱花，十分好送饭！即时有啲后悔冇叫原条鳗鱼。酥炸地瓜条炸得好干身香脆，一啲都唔油腻，地瓜好甜，食到唔停口。吉列炸蚝一样炸得好靓，仲好大只，只系$48性价比十分高！最后食埋个糖水芋圆烧仙草，好完满嘅一餐。