老厝邊

营业中

休息中

呢间小店已经encore咗几次，之前食过佢哋嘅主食都觉得好唔错，而小食方面做得更加出色，印象深刻嘅有芋泥蛋饼、炸排骨同甜不辣！今日同朋友仔行完街又入咗去～ 平日晚上到访都好多人排队，等咗都差唔多有20分钟先有位，果然有料到。蛋饼叫咗两款口味，分别系肉松同粟米，两款都会搭配芝士，前者咸香，后者清甜，各有千秋。蛋饼皮烟烟韧韧，味道偏清淡，要点埋酱汁。见隔篱枱个拼盘好吸引，所以自己又要返个。今次叫咗个海陆盐酥鸡拼盘，性价比好高，而且适合选择困难症人士，因为咩都有齐晒。我就最钟意甜不辣同鱿鱼酥，前者烟靭，后者爽弹👍 最后要埋炸大鸡排，外层炸至金黄酥脆，炸粉唔算好厚，食落啖啖肉，而且完全唔油腻，食完都唔会觉得口渴，值得一赞。