五月星牛肉麵

营业中

休息中

呢间小店晚市时段柯打一个主食，之后加$32可以任食9款台式小食，劲吸引！先讲主食，我们都没有选卤肉饭或拌面，但原来牛肉面除了汤底也分了两种！招牌红烧牛肉面 $73 牛肉有筋，几有嚼劲，但唔会痴牙。仲有好腍既萝卜，唔错！满汉牛肉面 $93 只碗大一倍（睇对筷子就知几大碗）料都多好多，有牛肚牛丸（粒牛丸好似系酱爆，好好食！）不过我选麻辣汤底就唔系好觉辣，反而有点偏甜。台式小食方面，首推甜𣎴辣，即炸需时，热辣辣，外脆内烟韧，正！次推黄金皮蛋，卖相好似一般，但口感同酱汁都好食㖞，我地一人食左几只！麻辣鸭血同麻辣猪耳都唔错，Encore左两次。蒜泥白肉块肉偏瘦，酱汁唔够谭仔好食。蔬菜方面，麻辣菇菌派对同凉拌茄子几好食，手拍青瓜同凉拌海带就正常普通，白灼时蔬就无叫到。本身想请试店家另一招牌试管盐酥鸡，不过食台式小食食到饱，都系下次有机会再试。饮品叫左杯巨峰提子益力多 $25，虽然睇住水吧即时加益力多落搅拌机整，但见杯饮品分左两层，味道唔算浓，搅匀饮觉得味道有少少怪...。