臺茶•薈 (已結業)

大家应该都知天后地铁站行出黎条街都有好多野食, 个日去到谂住揾间静静地又坐得舒服嘅餐厅同朋友倾下计，朋友推荐左间系永兴街嘅台湾野食。入面系黄色青色嘅装修，有啲小清新嘅感觉，岩哂静静地倾下计。叫左个红烧牛肉面，配菜有牛展，牛腩，白萝卜，红萝卜，都算多，以一间小餐厅黎讲，味道都算中规中举。而我朋友就叫左个盐酥鸡扒肉躁饭，份量十足。鸡扒香脆得黎唔会太干身柴口，肉本身都好够味，个肉躁饭就真系几惊喜系因为平时啲肉躁好干，净系得啲肉粒，但呢一间嘅系又多肉粒，但又够多汁。我地两个人再叫左个蚝饼小食，都唔错，唔会太油，2人份量岩岩好。之后仲添叫左个锅贴，锅贴肉汁好juicy，皮唔会太厚，而又做到个煎皮底金黄香脆，认真唔错。可惜嘅系我地本身想叫个个都赞嘅仙草芋圆，但咁岩个日就卖哂，唯有叫东瓜茶同珍珠奶茶。如果有机会都想下次返灼试下个芋圆。