茶木‧台式休閒餐廳 (已結業)

茶木食甜品就听得多, 我都真系好少来食正餐, 但今日来就发觉原来好多人都会来食dinner xd 都几多野拣, 我地叫左个盐酥鸡饭, 好有台湾嘅feel. 一直都好钟意食盐酥鸡, D调味料好香口, 加上炸过嘅鸡好脆口, 成件事好好味, 虽然好热气XD 因为成旧鸡都系干架啦, 系D饭度就有D汁中和番, 哩方面睇得出铺头几细心. D汁都系普遍烧汁咁, 用来捞饭都okay. 当然, 来到teawood冇理由唔食toast box嘅, 叫左个芒果味嘅, 次次食toast box都系咁, D雪糕系一上到枱已经熔得好劲, 唔知系咪整好左放系厨房好耐都冇人拎出来@@ 不过佢入面D蜜糖砖砖真系好好食, 佢搽完D蜜糖上去跟住焗, D面包好脆口又唔会太干, 同D雪糕一齐食就岩岩好, 又唔会太甜㖞. 总结系真系好好食, 抵佢keep住都有好多人排要等好耐嘅~