茶木‧台式休閒餐廳 (已結業)

平日收工大约8点左右都多人排队，等了大约40分钟先有位。环境舒服，适合同朋友倾下计食下野。我地叫左香菇水饺面，水饺有四粒仲有两粒大冬菇。冬菇入味再配埋莞茜，好香。另外，仲叫左香煎沙朗肉燥饭，肉燥好食，唔会有太多肥猪肉，猪扒有三块唔系好大块，但煎得香口，再加埋卤水蛋青瓜等配菜一齐食好味。最后，当然唔少得要食草莓香草蜜糖砖块。份量大，足足有三层，如果少人食的话，主食唔洗点咁多，留返个肚食呢个。有一球草莓雪糕仲有好多细细粒绵花糖。雪糕下面有好多粒已经切成正方小粒既蜜糖吐司，方便食，而且好脆好香口，值得一试。