影片
更多
2023-07-07
57 浏览
今日同朋友睇完戏都已经有少少肚饿就行出嚟揾嘢食，好快就望到呢间餐厅门口都企咗唔少人，谂住行去问下要等几耐，点知朋友见到咁多人就更加想试。好彩我哋就等咗唔系好耐都有位。我就要咗个招牌牛三宝面朋友就要咗个麻酱鸡肉凉面，再加左个炸鱿鱼同爱玉芒果绿茶。都等咗一阵先到因为餐厅真系好多人不过美食真系值得等待。我个牛三宝面份量十足，牛配料非常入味，牛肚，牛𦟌炖得够淋但又有d咬劲，牛筋好大条，滑溜又弹牙，连白萝卜都炆到吸收晒汤汁，配角都咁好食！我仲拣咗麻辣汤底，唔会太辣但系又有少少辣劲，更加开胃，面条够弹牙好味真系好令人满足！至于朋友个麻酱鸡肉凉面亦都好有惊喜，出乎预期好味因为佢个麻酱系有调配过，唔同平时𠮶啲芝麻酱咁简单，伴有青瓜丝，鸡蛋丝同埋红萝卜丝增加口感同味道，配料连埋旧冰凉爽口嘅面食，口感丰富，麻酱香味系口入面漫延，正！鸡肉唔系用鸡丝形式，大大片鸡肉，以为会鞋口，点知食落又唔会，真系落足本。炸鱿鱼真系充满台湾风味，用上香叶去炸，外皮够晒酥香脆，入面鱿鱼大条又qq，呢个价钱同出面小食店差唔多，但好食好多，太抵！其实都已经好饱，不过朋友见到其他枱都有嗌台式饮品，就点都要试下，要咗杯爱文芒果绿茶加椰
我就要咗个招牌牛三宝面朋友就要咗个麻酱鸡肉凉面，再加左个炸鱿鱼同爱玉芒果绿茶。
都等咗一阵先到因为餐厅真系好多人不过美食真系值得等待。我个牛三宝面份量十足，牛配料非常入味，牛肚，牛𦟌炖得够淋但又有d咬劲，牛筋好大条，滑溜又弹牙，连白萝卜都炆到吸收晒汤汁，配角都咁好食！我仲拣咗麻辣汤底，唔会太辣但系又有少少辣劲，更加开胃，面条够弹牙好味真系好令人满足！
至于朋友个麻酱鸡肉凉面亦都好有惊喜，出乎预期好味因为佢个麻酱系有调配过，唔同平时𠮶啲芝麻酱咁简单，伴有青瓜丝，鸡蛋丝同埋红萝卜丝增加口感同味道，配料连埋旧冰凉爽口嘅面食，口感丰富，麻酱香味系口入面漫延，正！鸡肉唔系用鸡丝形式，大大片鸡肉，以为会鞋口，点知食落又唔会，真系落足本。
炸鱿鱼真系充满台湾风味，用上香叶去炸，外皮够晒酥香脆，入面鱿鱼大条又qq，呢个价钱同出面小食店差唔多，但好食好多，太抵！
其实都已经好饱，不过朋友见到其他枱都有嗌台式饮品，就点都要试下，要咗杯爱文芒果绿茶加椰果，爱文芒果真系味道非常突出，十分之香，饮落去满满香芒果嘅香味。甜甜嘅口感源自于芒果嘅香甜加埋椰果又有咬口，成杯饮品真系令人好满足而且又系出面少有，值得推介！
张贴
