影片
更多
2024-12-23
83 浏览
最近约朋友系屯门市中心揾食，无意中发现左呢间新开既放题火锅店「点滚鲜点心火锅」。主打台式火锅之余，仲有一个超吸引既特色：任食点心，而且每款点心都系即叫即做，新鲜度完全冇得输。仲有各款台式小食可以选，最惊喜既系每张枱都自置电视机，可以投屏播自己钟意既剧或者电影，边食边睇，好chill，呢种体验真系几特别！.性价比高嘅至尊澳洲和牛套餐C今次我地拣左套餐C，系两小时任食既火锅放题，原价$348，而家仲有优惠，2人同行有85折，计返每人净系$295左右，真系抵玩。呢个套餐主打至尊澳洲和牛，听到都已经流口水，当然要即刻试下啦！.汤底推荐：台湾麻辣锅 + 冬瓜猪骨白锅汤底方面，我地拣左鸳鸯锅，一边系正宗台湾麻辣锅，一边系冬瓜猪骨白锅。台湾麻辣锅够香又够辣，d辣味吾会太死咸，反而辣中带香；而冬瓜猪骨白锅汤底好清甜，煲得好够火候，汤料仲好足，饮起黎有暖胃既感觉，两款汤底完全满足到吾同人既口味.至尊和牛系列：口感鲜嫩、油香四溢主打既澳洲纯血和牛，d牛肉雪花分布均匀，烫熟后油香四溢，咬落好鲜嫩，肉质软滑；澳洲精选无激素牛板腱肉有嚼劲，牛味浓厚；安格斯特级牛肉油脂比例刚好，吾会太肥腻。另外仲有其他肉类，例如
最近约朋友系屯门市中心揾食，无意中发现左呢间新开既放题火锅店「点滚鲜点心火锅」。主打台式火锅之余，仲有一个超吸引既特色：任食点心，而且每款点心都系即叫即做，新鲜度完全冇得输。仲有各款台式小食可以选，最惊喜既系每张枱都自置电视机，可以投屏播自己钟意既剧或者电影，边食边睇，好chill，呢种体验真系几特别！
.
性价比高嘅至尊澳洲和牛套餐C
今次我地拣左套餐C，系两小时任食既火锅放题，原价$348，而家仲有优惠，2人同行有85折，计返每人净系$295左右，真系抵玩。呢个套餐主打至尊澳洲和牛，听到都已经流口水，当然要即刻试下啦！
.
汤底推荐：台湾麻辣锅 + 冬瓜猪骨白锅
汤底方面，我地拣左鸳鸯锅，一边系正宗台湾麻辣锅，一边系冬瓜猪骨白锅。台湾麻辣锅够香又够辣，d辣味吾会太死咸，反而辣中带香；而冬瓜猪骨白锅汤底好清甜，煲得好够火候，汤料仲好足，饮起黎有暖胃既感觉，两款汤底完全满足到吾同人既口味
.
至尊和牛系列：口感鲜嫩、油香四溢
主打既澳洲纯血和牛，d牛肉雪花分布均匀，烫熟后油香四溢，咬落好鲜嫩，肉质软滑；澳洲精选无激素牛板腱肉有嚼劲，牛味浓厚；安格斯特级牛肉油脂比例刚好，吾会太肥腻。另外仲有其他肉类，例如澳洲Q弹牛五花趾、澳洲上腹牛五花、牛舌芯、猪梅花、荷兰猪五花同花雕鸡腿肉等，选择多到吾知点拣，肉质都好新鲜。
.
海鲜系列：海虾最岩打边炉
海鲜方面，海虾大大只，肉质爽口弹牙；仲有鲈鱼片、虾滑、墨鱼滑，青口等，d海鲜质素系放题店黎讲算系非常吾错。
.
港式点心任食：粉果超正，绝对必试！
点心系列仲有咸水角、烧卖、菜苗饺、大良炸鲜奶、虾饺、香滑奶皇包同酥炸花枝丸。款款都系即叫即做，热辣辣上枱。最推介粉果，皮薄而有弹性，馅料非常新鲜，我地忍唔住encore左数次，真系好味过好多酒楼既点心！
.
自助区多款火锅配料
自助区既选择都非常多：有南瓜、白玉菇、鲜香菇、金针菇、玉米、蕃茄、冬瓜、芋丝、蟹柳、福袋、龙虾丸、土豆、山药、唐生菜、油麦菜，娃娃菜等等，应有尽有，仲有熟食既五香牛腩同香卤猪手，真系多到食吾哂～
.
甜品收尾：Haagen Dazs 雪糕＋港式甜品
最后每人仲送一杯Haagen Dazs雪糕，完美收尾。自助区仲有陈皮红豆沙、蛋花粟米羹等港式甜品可以自取，绝对满足晒甜品控既需要。
张贴
