無老鍋

营业中

休息中

天气开始渐凉，又系打边炉食火锅嘅时候。终于可以试吓无老锅。由于系平日去，所以人唔系太多，环境都几舒服，座位嘅空间都算阔落。 叫咗个鸳鸯锅，食辣同唔辣嘅人都可以顾及，一入到嚟已经闻到阵阵嘅麻辣火锅味，十分之香，店员话豆腐同鸭血系可以无限添加叻过炸嘅芋圆, 烟烟韧韧，好似系like佢哋嘅FB ，就会有免费赠送。通常我哋叫嘅𩠌菜都系一啲嘅拼盘，咁就可以每样都试啲，呢个牛肉拼盘唔错，几个方位都有，肉质都几鲜甜，有啲部位滑滑哋，有白色嘅系爽爽地。呢个海鲜拼盘好方便，样样有少少，基本上都系新鲜嘅， 桂花蚌爽爽脆脆， 带子同鱼，肉质都鲜甜。饺子类羊肉卷，呢个OK唔会太臊味，刚好。蔬菜拼盘仲有几款嘅滑。 虾滑我觉得系OK嘅。竹笙基本上火锅嚟讲，算唔错， 质量唔错，后面有几樽奶白色嘅汤系方便你自己加汤，几个人坐得舒舒服服打边炉，环境唔系太嘈杂可以倾吓偈。去到尾声嘅时候，送咗一个冰雪嘅饮品。