桃園眷村 (已結業)

来自上海的连锁早餐品牌桃园眷村，今个周末正式登陆香港！桃园眷村，卖的是台式古早味早点，主打三宝：油炸鬼、豆浆、烧饼，都是朴实无华的铜板美食，现在可以在朗豪坊食到。咁香港地租贵，系朗豪坊开得店都要以快为主，形式以快餐店为主，客人先点餐，后找座位再等食物。装修都几骨子，露天的形式。餐牌上唔选话好多选择，不过就以油炸鬼、豆浆、烧饼为主。我地其实晚上八点到，点知冻豆浆同饭团都一早卖完，唯有食烧饼啦。人山人海咁揾到两个位坐底，等左廿十分钟到，食物终于上枱啦，影返急相先。因为好多食材都已经无晒，所以我地只系点左两个烧饼。工夫辣鸡腿烧饼$48个辣鸡腿其实又唔系真系辣，所以唔食辣的朋友都可以一试。咁个烧饼系脆身既，里面有D甜甜酸酸的酱料同蕃茄，菜咁，都几特别。熏肉蛋烧饼$42呢个同辣鸡腿烧饼系大同小异既，同样个饼系好脆身啦，个蛋系煎炒蛋的样，有大量的菜 。最后因为职员话无冻豆浆，所以我点了红茶和热豆浆，点知上餐的时候又有返冻豆浆，都几惊喜。两杯饮品都好大杯下，我最后要拎走先饮得完。