牛大人台灣火鍋吃到飽 (瓊華中心) (已搬遷) 新店位置

终于可以食到好出名嘅「牛大人」，我哋食头一轮5:00就入座，因为19:30前离座平啲，拣咗澳洲极上和牛套餐，个餐有九款唔同嘅牛肉片拣，仲有猪肉、鸡肉、鱼、海鲜同小食等。我哋叫咗「牛大人红烧排骨㶽」汤底，个汤好甜，唔辣，好足料。用电子扫code 落单，好方便，上嘢食嘅速度好快，当中我最推介以下几种：澳洲M9和牛牛丸好爽口弹牙，好有浓郁牛味，多汁，一定要试。澳洲和牛M5牛肩卷有手掌咁大块，薄薄地，放落水度拖两下就即刻食得，重牛味，脂肪比例适中。安格斯牛小排我喜欢这个脂肪比例多一点，食落好滑身，有入口即溶嘅感觉，极度推荐。蟹籽墨汁浆好特别嘅食材，超级弹牙，加上蟹籽嘅质感，口感层次好分明。牛妈秘制卤牛筋非常冧同入味，浓郁嘅卤水，带出牛味，入口即溶，一试爱上。其他牛肚同汤底嘅材料都好正，最后仲有雪糕甜品送。饮品都有好多水肿嘅选择，我最钟意系桂花乌龙茶。出边仲有个自助区，有唔同嘅蔬菜、面食、丸类，当中最特别嘅系竟然有牛柏叶同埋鱿鱼，两样都唔会韧，好冧身。酱汁方面，都有好多唔同选择，当中我觉得最特别嘅系洋葱牛肉酱，配搭牛肉食，可以更加带出牛嘅鲜甜味。