227甜棧 (已結業)

元宵节𠮶日同friend去食糖水，黎左呢度食。𠮶晚9点左右到，少少full，等左一阵先有位。我地两个都嗌左自选mix and match嘅糖水，我𠮶碗系鸳鸯豆腐花配紫米、小圆子同综合圆，总共$37。我个friend𠮶碗就系凉粉蕃薯加小圆子，总共$31。为左应节，我地另外仲叫左汤圆，$10碗，有两粒。虽然呢间甜品选择好多，但系味道就一般般啦，唔系特别好食，只系望落几好睇咁。虽然睇落三十几蚊左右唔算好贵，但系谂真d，其实佢份量好少，综合圆六款每样得一粒，小圆子都系六粒，紫米其实系两匙羹左右，我friend𠮶碗都系，其实蕃薯得3旧仔，所以其实唔系真系咁抵食。整体黎讲一般般，唔系特别推介，同区有其他更好嘅选择。