初芋 (已結業)

成日行旺角都会经过呢间好多人嘅甜品店，今日终于同朋友一齐去甜品当午餐食💜🤭～冰极芋圆窝（$128）芋圆窝好巨型，配料好丰富，有一大球芋泥、三色芋圆、椰果、椰汁糕、仙草、桃胶，底层仲有红豆添🫘！酱汁拣咗「椰汁初芋露」，即系椰汁+芋蓉，里面仲有啲芋头块，几饱肚😌～淋咗椰汁初芋露之后，芋圆窝味道变得更有层次，首先食到好浓嘅椰香同芋头香，之后就系各种配料独有嘅口感同味道。两个人食晒成个窝都开始饱～😆青山抹茶（$118）牛奶味好浓郁嘅绵绵冰🍧，表面有抹茶粉，绵绵冰里面系抹茶雪糕🍵，外面则有好多红豆围住座冰🫘，顶部仲有粒烤到外脆内软嘅绵花糖，绵绵冰底层仲有抹茶啫喱同抹茶脆饼，层次非常丰富，天气咁热🏖️，食咗即时降温👍🏻～分享大拼盘（$128）唔想食甜品，呢度仲有咸嘅台式小食拼盘食～我哋拣左大嘅拼盘，足足有9款台式小食，全部都好入味～（左）玫瑰荔枝四季春（$38）（右）奶盖乌龙茶（$38）玫瑰荔枝四季春味道几fresh，粉红色好靓💖；奶盖乌龙茶茶味够浓，摇均就更好饮～