湯•米 (已易手) 新餐厅

平时一亲师奶朋友都系去福园利苑美心𠮶啲饮茶，其实已经饮到厌晒，食嚟食去都系一盅两件虾饺烧卖凤爪，想揾啲而家时下年青人钟意去食嘅餐厅试下，食完又可以介绍畀个仔佢同佢啲friend去食 。上网揾到一间叫做汤米，名字特别， 原来专食台式嘅臭臭锅，即系食动物内脏既锅底， 环境好科幻，光猛干净。 店内近三分一面积都系做呢个台式水果茶bar， 吸引附近行街客入嚟买嘢饮之外，喺度食嘢嘅人都可以揸住杯水果茶慢慢倾。 芝麻酱卤水牛展冷面， 牛展位嘅根都比较多，呢度炆得几冧， 面底亦有香， 柔韧度十足。 台湾牛肉面 ，牛肉面嘅酱料好有中药嘅味道， 感觉十分正宗台式。 酥炸花枝墨鱼丸， 揸得十分香口好似台式炸鸡连锁店嘅牌子一样，入面有淡淡墨鱼肉。百香果绿妍 (少糖）