捌捌陸台式料理 (D2 Place ONE)

营业中

休息中

今日同朋友去咗荔枝角d2 place行街睇戏,睇完戏谂住喺附近揾啲嘢食下, 朋友带咗我去食台湾嘢。捌捌陆台式餐厅,餐厅地方阔落,有户外同室内座位选择。台式卤水拼盘 牛展,牛筋,牛肚,豆腐,卤水拼盘卖相好吸引,分量好多,牛展卤得好入味,食落口牛肉味好香浓,肉质比较结实,有咬口,食落去淡淡肉,唔肥又唔会腻,味道啱啱好。牛筋软嫩不腻,骨胶原丰富食落去有少少黏口嘅感觉,加上卤水汁好入味,食落去味道特别香。牛肚口感特别爽脆,比牛展更薄更滑,口感细嫩。卤水豆腐比一般豆腐硬身,食落去特别有口感,味道清淡得嚟又带点卤水香味。红烧牛肉面,牛肉面汤底好甜,面煮到啱啱好唔会太淋,咬落去弹牙有口感,红烧牛肉煮到好嫩腍,牛肉味道好香浓,食落去有入口即溶嘅感觉,加上汤底吸收晒牛肉嘅精华,真系好味到连汤都饮晒。花枝丸紫菜汤,紫菜汤味道清甜完全唔会油腻,花枝丸做到好弹牙,慢慢细嚼食到独特嘅鲜甜香味,加上清甜嘅汤底,越食越好味。手撕鸡肉燥饭,手撕鸡味香浓,一丝丝嘅鸡肉配上肉燥味道好配搭,加上台式酱汁越食越开胃,真系好好味。