影片
更多
2022-02-23
590 浏览
近年又兴返台式料理，除咗饮品，台式日本料理，丼饭，连车仔面都有。之前朋友介绍过铭阳，今日行开荃湾揾食就想试吓。铭阳嘅车仔𩠌有好多，除咗鱼蛋、猪皮、猪红、猪肠、鸡翼鸡尖、牛腩呢啲基本𩠌外，仲有好多大荤；猪扒、鸡扒、台湾肉燥。面食亦有好多选择，粗、幼、油面、米粉外，仲有刀削面、手工切面、兰州拉面、出前一丁。真系眼花缭乱，好彩佢又提供好多款特惠套餐，4𩠌，6𩠌配搭都有，又拣又睇足足20分钟先决定好。炭烧猪颈肉＋瑞士猪软骨＋刀削面（沙爹汁）＋台式奶茶炭烧猪颈肉难得真系有炭烧香气，外焦内爽，配饭配面都好夹。瑞士汁猪软骨，个汁甜甜地唔会过甜，猪软骨炆到好入味。刀削面唔系即叫即削𠮶种，而系干面都𠮶款，所以口感唔系好弹牙，但胜在吸汤力强。汤底最大卖点系无味精，原材料原味道。平日食车仔面好少饮汤，嚟铭阳可以放心大啖大啖呷喇！H1 ：6𩠌面套餐（手工切面）＋台式奶茶6𩠌面有好多选择，总有几款啱你口味，今日拣咗餐肉、牛腩、陈皮鱼蛋、牛丸、时菜、炸面筋，牛腩就柴咗啲，其他味道超稳阵。手工切面唔多理想，口感食唔出系手工面，下次食返油面算喇！至于汤底，味道清甜，一口到底。台式奶茶感觉系冲茶粉奶粉，都系港式柠茶啱口
之前朋友介绍过铭阳，今日行开荃湾揾食就想试吓。
铭阳嘅车仔𩠌有好多，除咗鱼蛋、猪皮、猪红、猪肠、鸡翼鸡尖、牛腩呢啲基本𩠌外，仲有好多大荤；猪扒、鸡扒、台湾肉燥。面食亦有好多选择，粗、幼、油面、米粉外，仲有刀削面、手工切面、兰州拉面、出前一丁。真系眼花缭乱，好彩佢又提供好多款特惠套餐，4𩠌，6𩠌配搭都有，又拣又睇足足20分钟先决定好。
炭烧猪颈肉＋瑞士猪软骨＋刀削面（沙爹汁）＋台式奶茶
炭烧猪颈肉难得真系有炭烧香气，外焦内爽，配饭配面都好夹。瑞士汁猪软骨，个汁甜甜地唔会过甜，猪软骨炆到好入味。刀削面唔系即叫即削𠮶种，而系干面都𠮶款，所以口感唔系好弹牙，但胜在吸汤力强。汤底最大卖点系无味精，原材料原味道。平日食车仔面好少饮汤，嚟铭阳可以放心大啖大啖呷喇！
H1 ：6𩠌面套餐（手工切面）＋台式奶茶
6𩠌面有好多选择，总有几款啱你口味，今日拣咗餐肉、牛腩、陈皮鱼蛋、牛丸、时菜、炸面筋，牛腩就柴咗啲，其他味道超稳阵。手工切面唔多理想，口感食唔出系手工面，下次食返油面算喇！至于汤底，味道清甜，一口到底。
台式奶茶感觉系冲茶粉奶粉，都系港式柠茶啱口味啲。
小食：墨鱼饼（6件）外表望落去就知系急冻嘢，本来唔多有期望。。。 点知！细细件嘅墨鱼饼除咗油咗啲之外，竟然好重墨鱼味㖞！作为小食，虽然系现成急冻货，但佢合格有余。
总结一下，铭阳嘅汤底的确唔错，𩠌料味道啱啱好，比坊间车仔面店健康。下次会再帮衬。
张贴
