築間酸菜魚

之前餐厅开咗冇耐我已经bookmark咗，因为见到佢系全香港第一间台式酸菜鱼听落好特别，仲要系一个人都可以食嘅酸菜鱼好难得。虽然可以一个人食，但想可以试多几款唔同嘅野所以就约咗朋友一齐黎try try佢~ 餐厅正中央有自助区，有洛神花同埋陈皮可以冲茶饮~总长酸菜鱼招牌梗系唔会错过，我哋叫咗for 1-2人嘅size，份量比我想像中多，除咗酸菜之外，仲有酸萝卜，提升咗成个汤底酸味嘅层次，酸酸辣辣系经典嘅酸菜鱼味道~ 乌鳢鱼片好大块，而且够嫩滑同埋唔会有腥味。海派虾汤鱼虾汤鱼真系第一次见，汤底一啖就饮得出浓浓嘅虾头同虾膏味，除咗虾之外，仲加埋各种唔同嘅海鲜，有青口、蚬、鱿鱼、帆立贝同不可缺少嘅鱼，令到成个汤底更加浓郁。唔食得辣嘅朋友可以试下呢款口味~高雄甜不辣话明系台湾过江龙，佢仲有唔同嘅台湾小食，甜不辣$28嘅价钱但呢个份量好抵食！浪子咸酥鸡唔会好厚粉，而且鸡肉嫩滑，做到外脆内滑。蜂蜜柠檬水 & 冬瓜柠檬茶食酸菜鱼梗系要叫杯饮品，酸酸甜甜又够大杯！红豆仙草有几款甜品可款，我哋拣咗地道台湾味嘅红豆仙草，不会太甜而且清凉解暑。