85度C (宏豐大廈)

营业中

休息中

香港地好似愈黎愈少连锁式嘅面包店，今日行经过土瓜湾比我见到有85°C台式嘅面包店，d面包大大个有包装都几卫生，拎起上手都几有重量。双重朱古力软曲奇 $12味道都偏甜，曲奇够软身，钟意食甜曲奇既应该会好钟意，而且大大块都几抵食。枫糖小牛角 $15牛角包细细个食落好香枫糖味，而且牛角包有住几香嘅牛油香。黑糖餐包 $18一袋有5个包都唔错，个包入面有d cream都香，个包原本都几香黑糖味，唔差。蓝莓童话 $19 酥脆嘅表皮配上浓郁嘅蓝莓味，食落口感几松软。个面包劲大个，食半个都饱。顺便买左几件西饼当下午茶食下chill下，食住cake饮返杯咖啡几好。桂花酒酿慕斯 $26 呢件原来系新口味黎，中西式嘅材料结合，内馅系桂花酒布甸配上芝士mousse。表面嘅桂花酒吉士个味道几清新又带有清清淡淡嘅酒香，几清新。Tiramisu $26口感几滑身，入面有朱古力蛋糕同埋d手指饼，入面个味有d几香浓嘅咖啡味出黎。蓝莓芝士 $22蓝莓味都几浓，芝士味都厚身，味道有蓝莓香另外少少嘅酸味。黑森森瑞士卷 $24另外买左多条瑞士卷，都大条。朱古力都几多，食落都香朱古力味。