百芳池上便當 (希慎廣場)

营业中

休息中

想食台湾野唔洗去台湾，铜锣湾嘅希慎广场都有得食！星期五晚上嘅希慎广场food court人山人海，百芳池上便当外排著一条长长嘅人龙，我地等左差不多15分钟先食到。我地点左一个台式便当加一个面。百芳猪排便当($59)猪排外皮炸得松脆，肉质松软，经过调味后十分香口。伴著玉米粒、酱油炒粉丝、炒椰菜同埋半只卤水蛋，材料配搭同同味道都非常丰富！唔好睇佢份量少少食落都几饱肚。另加一款台式小食皮蛋冻豆腐($20) 同埋包一杯饮品，无糖嘅金清茶王，健康又清新。百芳牛肉面($66)牛肉系半筋半肉，炆得好入味好淋！汤底牛味香浓。另加入小唐菜、酸菜、莞茜、萝卜等配料，增添一番风味。可惜由于等太耐嘅关系上到枱时个汤有少少冻左，略嫌唔够热。大推呢杯黑糖珍珠仙草鲜奶茶，珍珠烟烟韧韧，仙草有淡淡甜味食落好清爽，几款配料同鲜牛奶味道好夹。如果想少甜可以要求落少啲黑糖。