臺坊 (加拿分道) (已結業)

今日去咗尖沙咀行街，瞓到攰攰地喺附近揾啲嘢食下，即刻上OpenRice望吓附近有咩好介绍，见到厚福街有间台湾食店都几吸引于是去试吓，台坊台式料理。舖头虽然唔大，但系望落去都几整洁，最啱就系行完街攰攰地食少少野休息吓。望下个餐牌都有好多嘢食选择，几样嘢都几吸引，我自己最钟意就系食啲台式小食，同埋台式饮品。盐酥鸡，盐酥鸡炸到金黄色而且好香，入口一啲都唔油腻，鸡肉仲系好嫩滑，多汁。而且鸡皮炸到好香脆，非常之惹味。红烧牛肉面，牛肉嘅份量都算多，而且牛肉好林，牛肉味又香又重，另外萝卜非常之入味，加埋牛肉面个汤好鲜甜，一碗香浓嘅牛肉面，连汤汁都饮晒。炸花枝丸，花枝丸都算大粒，加上即叫即炸上到枱热辣辣，入口墨鱼味好香，而且仲系爽口弹牙，加上有少少墨鱼粒，令到口感非常之正。椒盐豆腐炸到金黄色，都系一个好惹味嘅小食，豆腐外边炸到香脆，而中间仲系好香滑。加上少少椒盐调味，味道都几好。下次经过尖沙咀一定会再嚟食，性价比高，味道又好。