影片
更多
2023-04-03
101 浏览
出面落住倾盆大雨，上左巴士后，先谂下沿途有咩食店可以落车即达，唔洗淋雨，突然就醒起架巴士经过创纪之城见过一间叫唔知咩哥哥妹妹既食店，纯粹因为个名好得意，所以对呢间店印象深刻，但唔知点解，成日只记得住哥哥妹妹，就记唔住个全名😛见其他食评话呢间于星期一至五都颇多人食，而且大部份评语都颇正面，本身都担心要排队等位，不过可能因落大雨，而且星期六好多office无开，所以两个人一去就有位，完全唔洗等，Lucky😆今次食左两个餐 + 一个甜品🍮餐1. 起司肉松蛋饼+沙律+铁观音茶HKD58😋😋😋份蛋饼既表皮煎香，咬落质感软熟，中间肉松既份量多既，蛋层薄薄跟饼皮一起煎。但老实讲，虽然叫蛋饼，但蛋味略淡，主要系食到佢蛋黄酱同肉松既味道，虽然佢有芝士，但芝士味唔够浓，之前仲祈待芝士有得拉丝，系我谂多左。蛋饼个样可以，而味道好难会差，因为肉松，芝士，鸡蛋，蛋黄酱 呢d食材本身都好好食，所以呢个组合好难唔好食。只系，讲唔上特别好食，同唔会深刻印象。如平时返工食lunch，当医肚系ok的，特别来朝圣就唔会喇。餐2. 经典盐酥炸鸡+前菜渍物三道+ 鲁肉饭+甜品+铁观音茶HKD98😋😋😋个餐既份量系大既，见格离枱
见其他食评话呢间于星期一至五都颇多人食，而且大部份评语都颇正面，本身都担心要排队等位，不过可能因落大雨，而且星期六好多office无开，所以两个人一去就有位，完全唔洗等，Lucky😆
今次食左两个餐 + 一个甜品🍮
餐1. 起司肉松蛋饼+沙律+铁观音茶HKD58
😋😋😋
份蛋饼既表皮煎香，咬落质感软熟，中间肉松既份量多既，蛋层薄薄跟饼皮一起煎。但老实讲，虽然叫蛋饼，但蛋味略淡，主要系食到佢蛋黄酱同肉松既味道，虽然佢有芝士，但芝士味唔够浓，之前仲祈待芝士有得拉丝，系我谂多左。
蛋饼个样可以，而味道好难会差，因为肉松，芝士，鸡蛋，蛋黄酱 呢d食材本身都好好食，所以呢个组合好难唔好食。只系，讲唔上特别好食，同唔会深刻印象。如平时返工食lunch，当医肚系ok的，特别来朝圣就唔会喇。
起司肉松蛋饼 套餐
$58
8 浏览
0 赞好
0 留言
起司肉松蛋饼 套餐
$58
8 浏览
0 赞好
0 留言
餐2. 经典盐酥炸鸡+前菜渍物三道+ 鲁肉饭+甜品+铁观音茶HKD98
😋😋😋
个餐既份量系大既，见格离枱有两仔爷系一个餐两份食。 碟盐酥炸鸡上枱时，我系哇左一声，因为好大碟炸鸡呀！之后再睇真d，先发现原来唔系全部都系炸鸡，有1/3炸物系炸番薯离架🤣，不过鸡既份量都算系多既。
先食前菜+渍物，开下胃先。出场既系 椒盐虾仔、酸瓜 + 秋葵，椒盐虾仔，细细粒，咬落香脆，虾鲜味带点咸香，几好食。而酸瓜 及 秋葵食落其实差唔多味，都系酸酸甜甜，几开胃。
然后轮到炸鸡啦！炸鸡+炸番薯 上枱时系热辣辣，刚刚炸起架。鸡肉大大件啖啖肉，无乜炸粉，整件鸡都炸得几干爽，咬落十分酥脆，鸡肉既调味系够既，不过d鸡肉就唔够Juicy, 有少少干。而炸番薯就细细旧薄薄地，粉浆都系薄薄地既，但旧蕃薯唔知系味太细薄所以炸到旧蕃薯肉有d干柴，如果旧蕃薯肉厚返少少，湿润返少少的话，个蕃薯味应该会出d香浓返d.
而鲁肉饭呢，碗饭既份量系多既，因为𩠌颇多，一大碗满满既饭，根本食唔晒。饭盖就系一壳卤肉汁，成碗饭个样平实，饭系粒粒分明，软硬度适中，而卤汁稀稀地，就唔算香浓，食落带少少甜味，而d卤肉系切到好细粒去烹，肉就烹到好溶同好碎，但肥猪肉就烹得唔够溶，所以个汁无乜胶质感，仲食到一粒粒细细粒细切既肥肉。 咁个卤肉汁用离送饭都ok既，都系o个句，Lunch医肚系可以既。
而跟餐甜品呢，就系一件男士手指头尺寸大既朱古力蛋糕。个蛋糕质感较干同结实，味道一般，无特别好介绍。
经典盐酥炸鸡套餐
$98
6 浏览
0 赞好
0 留言
经典盐酥炸鸡套餐 既炸鸡
6 浏览
0 赞好
0 留言
经典盐酥炸鸡套餐 既鲁肉饭
15 浏览
0 赞好
0 留言
3. QQ紫薯波
😋😋😋😋
个紫薯波上枱时系热辣辣，炸得干爽唔油。一口咬落，表层脆卜卜，下层烟烟韧韧，所以几钟意呢个甜品。 而个馅呢，系紫薯蓉食落软软湿润，渗出淡淡清甜既紫薯味，味道唔会死甜，几好食。
不过，我唔太明白点解要加带酸味既沙律酱o系面, 个酸酱同甜品既味实在唔系好夹，唔通呢个系台式食法？ 但我个人唔太like ，食落怪怪地，所以食之后既几粒，都被我拨走d酱先食😂。
QQ紫芋波
11 浏览
0 赞好
0 留言
4。铁观音茶
😋😋😋😋
两杯餐茶都几大杯，而且用外卖杯装，饮唔晒可以带走，都几贴心，味道方面，个茶系几清香唔会苦涩，解渴好饮。
张贴
