Lagom Kaffe (已結業)

虽然疫情冇得去旅行，但系香港都系个幸福嘅地方，好多海外嘅餐厅都嚟到香港开分店。呢日我哋就嚟到台湾式cafe：乐感餐厅有室内及室外嘅位置，我哋坐咗喺近出的位，望到出边嘅景色，亦享受到室内嘅冷气。餐牌好简单，亦已经好足够及吸引。我哋之前去过牛头角嘅分店，印象中两间店嘅餐牌有少少唔同。本来希望食松饼，但系呢间店好似冇。都唔紧要，我哋点未食过嘅菜式每次食全日早餐都好开心，食物种类多，虽然常见但稳阵而好味。呢度嘅菇类调味唔错，好有台湾特色，比较厚身有咬口。而佢嘅香肠系有少少辣味，几香口。特别令我哋有惊喜嘅系佢嘅面包。面包应该系新鲜焗起，切出的形状好随性，有有屋企做嘅原味。包嘅外皮香脆，面粉味浓郁，侧边酱汁系有好香甜嘅肉桂味，超正！呢个中西合璧嘅意粉好有惊喜！牛肉味道有台湾嘅特色，有中式嘅香料以及有少少麻辣嘅味道意粉系粗身，连同埋牛肉嘅酱汁味好配合！草莓味香浓，配合埋燕麦奶以及乳酪好夹，清新健康，酸酸甜甜。咖啡味香醇，我哋转左唔要鲜奶，要燕麦奶，两者都好配合。呢度嘅食物质素唔错，环境都几舒适，系大约朋友聚会嘅好地方。