燈籠滷味 (登龍街) (已結業)

铜锣湾登龙街有好多食店，有几间都系要排队嘅人气食店。今日去到想试下新嘢就去左呢间灯笼卤味。都需要排一阵先入座，入面有分上下两层，位置都比较窄。好似车仔面咁落单，喺纸仔上剔想食嘅嘢，款式都好多。咁就叫咗猪耳、鸭血同甜不辣。朋友就叫咗萝卜同贡丸，我哋都系叫王子面。王子面嘅面质其实有少少似公仔面，但份量就偏少，猪耳卤得几入味，鸭血都系衬个面，甜不辣就最欣赏，有台湾嘅感觉，甜甜哋烟烟韧靭。朋友叫嘅贡丸都好味，好重香菇味，但萝卜就好细粒，大粒返啲会更好。系铜锣湾食一个人50几蚊都算几抵食嘅，下次再试埋啲小食先！