古早味休閒台灣 (已結業)

上次食完天水围嘅九份十分之后，一直心思思想再食台湾嘢。呢日喺旺角揾嘢食，碌碌下openrice见到呢间喺女人街头嘅台湾嘢——古早味休闲台湾，价钱又唔贵，就即刻冲咗去喇。行楼梯上去嘅时候已经见到墙身具台湾特色嘅油画嗌咗个午餐加啲小食。午餐都有好多选择，有唔同嘅饭面，仲可以以半价加配小食我就嗌咗个卤肉饭加双色台湾香肠。卤肉饭（$55）午餐会配三款小食同饮品。卤肉饭有喺台湾食嘅感觉，卤肉半肥瘦，不过好大碗，好饱。仲有碗高丽菜汤～小食有海蜇、萝卜、南瓜饼，好食。如果你个餐有南瓜饼记得要趁热食，我食完个饭先食，淋晒😭双色台湾香肠（跟餐加配$19；原价$38）最钟意食台湾肠～ 呢两只味分别系原味同墨鱼味，其实食落都系差唔多味道，甜甜地咁，好好食餐嘅饮品包普通奶茶咖啡，可以补差价配其他野饮。我就加咗$5转奶盖乌龙茶～奶盖乌龙茶（跟餐加$5）味道就唔错嘅，不过我觉得唔用个胶盖封住会好啲。唔封先可以饮埋啲奶盖，而家咁样插住饮筒，净系饮到啲茶🤔另外口痕仲加咗个厨师推介嘅炸红槽肉。炸红槽肉（$45）呢个从来都未食过，个样有啲似叉烧。其实系五花肉用酒腌过再攞去炸嘅～味道唔错，外皮脆脆地，口感几好～食咗咁多嘢都