喵一下 (已搬遷) 新店位置

今日嚟到PMQ，见到依间台湾小店，装修得好靓。有啲复古嘅电视同埋书做摆设。如果喺冇乜人嘅时间来，可以慢慢影吓相。叫咗红烧牛肉面套餐。套餐唔包野饮，所以要左杯水。所有嘢食都会用一个餐盘上，红烧牛肉套餐包三个前菜，另外有一个辣酱，一碗面，同一碗牛肉。可以将啲面摆落个牛肉度就会比较浓味，好似食紧日本沾面。参考其他blogger会将碗牛肉连汤汁倒落个碗清汤面。不得不提牛肉同牛筋都煮到好淋好入味而且份量好多，牛肉有两大块，牛筋大概都有四块。我认为店家好细心，因为有啲人可能食唔到咁辣，所以将个辣酱分开放。另外其中一款前菜系酸酸甜甜嘅番茄仔，好开胃。