小王牛肉麵 (已結業)

突然怀念起数月前喺台湾食嘅牛肉面，见到呢间牛肉面店，就即刻过黎试下星期六九点几，竟然无人排队，眼见内面仲有好多位，隔离铺仲有好多人等位，犹豫咗阵，个肚催我快啲入去呢度除咗牛肉面仲有肉燥饭，小菜，饮品方面选择都好多。牛肉都有好多选择，花多眼乱，最后拣咗原汁牛肉面粗面。牛肉同牛筋分布平均，梅花间竹，咬落去外松内软，牛筋够腍，牛肉无痴牙，牛肉吸收咗汤嘅味道，仍保持牛肉嘅肉味，我钟意食烟烟韧韧嘅面，呢个面不负我所望，够晒烟韧有咬口，个汤好似我系台湾食嘅，有药材味，汤底较清淡，不油腻，啱晒钟意清淡嘅我可惜唔记得拣埋酸菜饮品方面拣咗桂花苹果茶，呢个只有热饮拣，底部见到桂花同苹果粒，未饮已经闻到淡淡桂花香气扑鼻，仲带有丝丝苹果嘅甜味心情都变得大好，呢个就花茶嘅优胜之处不太甜，反而食苹果粒嘅时候先发现苹果粒好甜，好饮食糖咁，还好饮起来唔太甜呢个苹果茶我好钟意