你妳 (已結業)

屋企附近原来有间台湾小店 呢排疫情严重 就买外卖试吓~作为芋头爱好者 我首先要咗个3号套餐($65)拣咗肉松芋泥吐司 仙草一号 同埋无糖茉莉绿茶! 超级抵食 平时呢个价钱净系食咗芋泥仙草都要! 肉松芋泥吐司嘅肉松足料 配埋芋泥一咸一甜 配合得啱啱好🥰 好挂住台湾早餐店嘅蛋饼 见到呢度有芝士肉松蛋饼($38) 当然要嗌黎试吓 咸咸香香 芝士加肉松加蛋呢个组合一定冇错另外仲要左个芋泥仙草大满贯😍份量满满 款式丰富 见到都好开心! 有烟烟韧韧三色芋圆(即系紫薯圆 番薯圆 同埋芋圆) 另外仲有包馅芋圆 入面有有芋泥 另外仲有红豆小布丁 水晶 同仙草 每食一啖都好似寻宝咁样