老街 (已搬遷) 新店位置

香港不嬲好多地方有得食台湾野，但系正宗台湾风味就唔系咁易揾到。今次推荐大家去哩间好正嘅台湾野食！位置仲要系正旺角，够晒方便易揾！哩间台湾餐厅好有特色，价钱亦都好平民，够晒大众化。我同友人两个人叫咗好多野食，我要咗一个小香肠卤肉便当，好多肉燥系面，大大碗，劲香呀！台湾肠亦都好有咬口，有肉汁唔会干，绝对要试！友人要咗一碗牛肉面，劲有牛味，而且淋身得黎又爽口，入晒味呀！我地仲叫咗四款小食，有卤水拼盘，盐酥鸡，椒盐牛肚丝同埋炸花枝丸。拼盘入面啲卤水汁好浓郁，好正！盐酥鸡同花枝丸炸得劲脆劲香口！仲有牛肚丝索晒味！重口味嘅朋友啱晒喇！另外我地要咗两杯果茶，一杯系荔枝QQ红茶，另一杯系巨峰QQ绿茶，真系好fresh，想外卖多杯添呀！仲有洛神花茶！哩杯就无咁甜，比较清香，清淡口味嘅朋友可以试试。真心推荐大家去试下，平食之选！