影片
更多
2024-12-05
4161 浏览
去台湾旅行可能会book性价比高嘅铁板烧，其中一间人气铁板烧要数曾连续两年取得台湾十大高CP值顶级无菜单铁板烧冠军嘅明水然．乐🔥凭藉无菜单omakase高质铁板烧俘虏不少人嘅心🥰而家佢哋嚟到香港，即将于12月16日开业，系香港都可以享受到喇！餐厅位于亨环天后23楼，有个露台坐享天后绝美维港景，除夕／年初二仲可以睇埋烟花汇演🎆😍呢度嘅铁板烧套餐只需$700起，可以食到多达14品，每道菜都劲高质，店内有活体龙虾缸，即席捞起龙虾、鲍鱼，海鲜全部都好靓好新鲜，CP值超级高🤑超级推荐🫶🏻师傅都好健谈、服务又好，食完最后收到师傅嘅手写感谢卡☺️而家餐厅可以开始订位，趁住未有太多人知一定要快啲bookmark订位😎今次食咗$700严选铁板烧套餐，有龙虾二吃、南非鲍鱼、 美国牛／日本黑豚猪、北海道鲜贝、时令鲜鱼等，以及$880 极上铁板烧套餐，餐点更豪华，有龙虾三吃、海胆、石斑鱼、南非鲍鱼、 美国牛／日本黑豚猪、蚝等等。提前预订，海鲜类加$300仲可以升级做澳州龙虾🦞如果有人生日，仲可享主厨特别炮制嘅私房甜品，庆祝一流🥳🦞龙虾塔塔 ($880套餐限定)、西京豆腐前菜有龙虾做嘅冷盘，有龙虾肉、蟹肉、北海道
今次食咗$700严选铁板烧套餐，有龙虾二吃、南非鲍鱼、 美国牛／日本黑豚猪、北海道鲜贝、时令鲜鱼等，以及$880 极上铁板烧套餐，餐点更豪华，有龙虾三吃、海胆、石斑鱼、南非鲍鱼、 美国牛／日本黑豚猪、蚝等等。提前预订，海鲜类加$300仲可以升级做澳州龙虾🦞如果有人生日，仲可享主厨特别炮制嘅私房甜品，庆祝一流🥳
🦞龙虾塔塔 ($880套餐限定)、西京豆腐
前菜有龙虾做嘅冷盘，有龙虾肉、蟹肉、北海道海胆、鱼子，极尽鲜味🥰另一款小食就香气十足🤩以火枪烧豆腐再配西京酱，面头再加上萤光鱿鱼，西京酱咸香嘅味道令人食指大动😛
🥗沙律
踏入秋冬季，呢度嘅厨师贴心地将沙律做成热嘅版本👏🏻混合日本本菇、菜以及白松露及黑松露调配而成嘅松露酱，香气四溢😙
🤍贝
新鲜嘅帆立贝就咁食已经够鲜，师傅将厚厚嘅帆立贝轻轻烧过后切半，里面夹上大量三文鱼子，做成三文鱼子贝堡，两种鲜味随即系口腔尽情爆发🤩
🧡海胆、鹅肝($880套餐限定)
接下继续有橙橙黄黄嘅北海道海胆🤩海胆加上三文鱼子再配多士，海胆软滑甘香，绝对系味觉享受😋另一款多士则以浓郁嘅鹅肝冲击味蕾😋😋鹅肝几近入口即化，配以青提及红酒番茄酱，酸甜嘅味道恰好为鹅肝解腻。
🐟鱼
系铁板烧可以食到原条鱼，可谓非常难得😻呢度将黄鱼煎到外皮香脆，简单以盐调味已经ok。另一款法国鳕鱼就以超级嫩滑嘅口感取胜，底下嘅藜麦同酱汁咸咸香香好惹味😽
🥬野菜
难得地呢度连野菜都做得出色👍🏻包心菜加上甜甜嘅蕃薯同埋芦笋，简单嘅调味就可以带出蔬菜嘅鲜味。
🍲黄金蚬汤
大蚬即席用嚟煮汤，汤头无比清甜，蚬肉饱满juicy💦
🖤鲍鱼
鲍鱼绝对系铁板烧嘅高潮之一🤪见到大只嘅鲍鱼一开始仲好新鲜地蠕动已经急不及待要大擦一番😏师傅只系鲍鱼舖上柠檬去烹调，突出食材嘅鲜味。鲍鱼肉质爽弹，底下嘅海苔汁带轻微咸鲜味，绝对系画龙点睛😋
🦞波士加拿大龙虾
加拿大龙虾即场系鱼缸捞起，同样新鲜😆龙虾肉非常新鲜弹牙，师傅用牛油煮开龙虾膏，龙虾膏鲜味爆发。食完龙虾仲会上柠檬冰沙，可以稍为清一清味蕾😛
🥩和牛
套餐加$100可以将牛肉升级为澳洲和牛，加$200升级为日本A4或A5和牛，更奢华😎A4和牛西冷以葱丝扎住，卖相吸引，食落超级软滑😋A5+鹿儿岛和牛肉眼更为一绝，油花好重，食落有咬口之余中间亦有满满嘅油脂爆发，好邪恶😈
🍚白饭鱼炒饭
食到好饱都要食晒碗炒饭，皆因水准依然好高👏🏻台式嘅铁板烧会先将蛋煎熟再混入饭粒一齐炒，呢个做法可以食到脆边蛋白同蛋黄，好似荷包蛋捞饭咁好正。炒饭加入香葱、白饭鱼以及自家制酱汁，好香口😋
🦞汤
刚才食咗龙虾身，龙虾头就用嚟煮汤。龙虾浓汤系$880套餐限定，有唔少薯仔粒，仲有一整块龙虾钳。龙虾味噌汤亦好香。
🍪甜品
嚟到甜品时间已经差唔多食唔落🤰🏻见到师傅将其貌不扬嘅朱古力粉浆随意放上铁板烧炉，仲心谂好似冇乜食欲，点知出到嚟嘅成品好好食😋系脆脆地、超级苦甜、可可味极浓郁嘅brownie，完美演绎「我很丑但我很好吃」🤣
🍹斯里兰卡白桃红茶、青提气泡饮
热茶系白桃红茶，茶叶来自斯里兰卡。另外可以叫青提气泡饮，酸甜清爽😽
推介指数（10分为满分）：8.5分
张贴
