一葉台灣料理

营业中

休息中

鲗鱼涌多小店就大家都知，但呢间餐厅嘅位置真系一啲都唔起眼，周围都系车房，唔系朋友识路嚟都唔会食到。虽然系台湾料理，但见到manu好多都系同上海菜好相近嘅𩠌，好期待。大大碗热辣辣台式酸辣汤！有少少似碗仔翅嘅感觉，但就有好多配菜，又唔会太辣，非常开胃。真系出晒烟架！事前对呢个葱油秋葵松板肉无咩期待，但非常有惊喜。秋葵爽口，而松板肉好松软，两者夹得好好。台式炒合菜就比较似香港嘅住家𩠌~老板娘更加诚意推介我地试下阿里山高山冷泡茶，果然啲茶几香，再冲多一次都非常浓。