老厝邊

营业中

休息中

老厝边，我唔识读😂主打台湾便当、牛肉面、蛋饼小食。装修行怀旧风，木枱木凳，有啲似台式cross over港式。我觉得最得意系便当个盘，有啲似台湾饭堂(?)嘅感觉。*香香酥炸鸡排便当 $66手掌咁大块鸡排，完全遮住咗个饭，外皮薄又香脆，又唔会甩皮甩骨，鸡排厚肉且嫩滑，一咬落去爆汁咁款，调味偏向浓味，咸香胡椒香。白饭有啲卤肉汁，但整体白饭好湿好腍。仲有三种小菜，炒豆角、炒莴苣、豆芽卤蛋，中规中矩。酥炸排骨便当 $63排骨都好大块，但质素比唔上鸡排，酥炸脆皮有！但肉质干，未至于嚡口，但感恩嘅系佢冇落松肉粉🥺白饭、小菜都有齐~仙草冻鲜奶 $27 (午餐套餐 -$10)叫咗微糖微冰，甜度适中，仙草比较硬，冇动L嘅感觉，质地似凉粉，微微甘苦。超浓芋泥起司蛋饼 $40蛋饼皮薄且烟韧，加层薄蛋浆，入面就系爆浆流晒嘅芋泥芝士。芋泥超芋😂浓厚顺滑，芝士份量都唔执输，爆馅拉丝！但芋头x芝士唔系咁啱我口味。薯饼起司蛋饼 $32同皮唔同馅，所以我都冇影相🙈个人觉得薯饼夹蛋饼多啲，味道上更加夹芝士同埋蛋饼，薯饼炸到脆卜卜，口感上比芋泥更丰富。