台灣郎

营业中

休息中

呢间位于西营盆嘅台湾餐厅虽然唔太出名，但系质素一d都唔会输俾正宗嘅台北食物。笔者系平日嘅早餐时段到台湾郎，人流并唔多，大约有2/3嘅位置都系空嘅，非常之快就可以揾到位。但系留意位置越近午饭时段就会越紧张，所以有兴趣嘅朋友系邻近午餐嘅时候可能需要等位。早餐有关于台湾嘅食品并唔多，只有早餐F嘅新竹米粉set选择，而笔者今次食左台湾新竹米粉同埋试左地道嘅香港扒类早餐。讲下新竹米粉，内容可以话系非常丰富，入面分别有牛丸鱼蛋各2粒，另外仲有酸菜作为点缀。牛丸嘅味道并无香港特有嘅胡椒辣味，反而多左一分烟韧，非常有㬭劲；而鱼蛋就不过不失，有著平时一半鱼蛋嘅爽口，但系略厌有d过咸（可能系笔者食唔惯台北口味），但系呢个时候，酸酸甜甜嘅爽口酸菜就发挥佢嘅作用，配埋米线一齐入口即刻中和翻口腔嘅咸味。同时，米线嘅口感已唔会话过硬或者过淋，唔似系整定然后摆住或者浸住，值得称赞。