一起食堂 (域多利皇后街)

营业中

休息中

星期六晚同老公一齐食台湾菜，我地叫左好多野食。红烧牛肉面乌冬弹牙滑身，牛肉有四旧，全部都大大旧，而且煮得好腍，好好食。花雕麻油鸡汤面另外有一樽花雕俾你自己倒落汤到，我地倒晒，所以酒味浓郁，鸡肉好嫩滑，完全唔鞋。综合关东煮几大碗，有白萝卜、贡丸、墨鱼丸、年糕袋、腐皮、鱼饼、狮子狗、冬菇、小棠菜，非常丰富，又清清地。吉列炸蚝炸得好酥脆，蚝既size都唔会好细。盐酥鸡份量颇多，调味岩岩好，唔会过咸，又够惹味。