鼎泰豐

营业中

休息中

喺台湾返嚟无几耐，已经好挂住鼎泰丰，就决定寻觅返台湾嘅味道～首先当然要嗌担担面啦！呢碗算系拌面，唔似汤面咁多汁。花生酱味比较重，唔算太辣，每啖都夹住啲花生碎同埋葱花，好食！佢嘅面捞左酱油同埋麻油，出奇地唔算好咸～上面铺上腌左嘅干葱，但系捞左落啲面又唔系好食得出系咩味，普普通通咁啦～鼎泰丰仲出名食小笼包～ 每粒都有足够位置夹，唔会痴埋一齐一夹就扯烂块皮。皮非常薄，装住的肉汁足足有一只匙羹咁多！但系旧肉就有啲细旧，都系台湾嘅出色啲～酸辣汤非常足料，有好多干豆腐条、冬菇、肉丝同木耳等等，但佢味道比较清，酸同辣味唔算好突出，如果加埋醋食就好味多了～