Babbo Trattoria (已結業)

今日好友请食饭，拣咗好耐先拣到Babbo Trattoria去试。一坐下，朋友话我知呢间餐厅系台湾人开，心谂台湾人响香港开意大利餐厅！有意思、有意思。试完之后想推介以吓几个菜，最可惜今日无薄饼供应。凯萨沙律，第一次食度啲Caesar salad 上面铺满Grana Padano 芝士刨到好似白朱古力碎咁样，食落有啲软绵绵，入口即溶，再配上爽脆罗马生菜同薄薄烤面包片，口感非常丰富，一啖咬落去软香咸甜脆齐哂😋。窑烤综合蔬菜，蔬菜新鲜，车厘茄经过窑烤将本身甜味再提一层，意大利青瓜烤完后仍保留咗鲜甜瓜味仲带小小脆口，洋葱就更加不在话吓，因为啲洋葱被其他蔬菜盖住去烤，所以除咗本身甜味，亦吸收咗其他菜味道！仲有值得一提嘅普利亚海鲜面片双人锅，见个名几得意就叫佢啦，上菜时待应哥哥再三提醒个锅好热要小心。望落去海鲜好新鲜，但唔觉有面，朋友食咗几啖先发现细细片四四方方𠴱啲就系面片。如果想食al dente 就一到时尽快食。钟意啉身啲就叹吓先食。个蕃茄汤吸收咗啲海鲜味，非常鲜甜开胃。