阿木台灣麵 (D2 Place TWO)

营业中

休息中

工作关系经常出入荔枝角，但比较少去D2 place食嘢，原因青山道𠮶头都几多好嘢食，D2 place又成日人山人海，食嘢好难揾位。上周末有个住四小龙的朋友问我有无食过阿木，未试过一定要试下，仲揾埋位同我食。入到去真系超多人，我地三个人，叫左三个主食，两个friends一个叫左盐酥鸡套餐配麻酱拌面，另一个食台湾肠便当配肉臊饭，我就唔想食咁多白饭，又唔想食炸嘢，见到隔离枱个番茄牛肉面卖相好得就叫左。我碗面汤底好浓郁，饮得出系用蕃茄煮出嚟，唔似得有啲拉面铺加茄酱茄膏就算，牛肉都煮得几淋，唔会好难咬。食物份量真系几多下，面条食净少少，但个汤就比我饮晒！另外值得一赞系佢个肉松芝士蛋饼，芝士加肉松原来好夹，呢个蛋饼都几饱肚，要三个人先食得晒。另外朋友个盐酥鸡同台湾肠我都试左少少，两样都系好地道台湾小食，疫情后都无去过台湾，好挂住啲台湾嘢食，好彩而家喺呢间都可以食到台湾夜市小食风味。