意歐

营业中

休息中

台湾朋友黎香港玩几日，当然会行旺角啦，放左工就带佢食饭喇，虽然而家有占中事件，不过女人街原来比想像中安全，好似平时咁。因为好多人都怕左黎旺角，所以一入去餐厅就有位坐。呢度d梳化椅又大张又好坐，适合情侣或者闺蜜食饭倾计丫……环境以女人街既餐厅黎讲算系几好我地叫左个Meat Crazy Pizza, 烟三文鱼凯撒沙律, 两杯饮品Berries Blossom同士多啤梨乳酪雪花冰。因为台湾朋友想食完饭去食糖水，两个女仔既份量已经差唔多。个pizza值得推荐，佢个汁系分开上，而且用酒精加热，客人可随意淋几多汁食，好细心。个汁味道唔会太浓，可以突显pizza本身个味。pizza系薄批，厚批反而怕太‘漏’，好味。 烟三文鱼凯撒沙律份量都够大碗，味道符合一般标准。台湾朋友叫左杯Berries Blossom, 只杯几靓卖相唔错，饮落去有什莓味，唔会似药水，又唔会太酸，都系值得推介既。我个杯士多啤梨乳酪棉花冰，上面有层忌廉，可以同乳酪味平衡番，又够大杯，钟意饮乳酪味饮品既朋友都可以试下。以前去旺角通常去楼上cafe，睇黎今次有多个选择喇。