影片
更多
2020-05-17
533 浏览
自从1月尾食完团年饭之后，足足3个几月冇出过街食饭，楼下新开咗春水堂，视察咗环境，防疫措施都唔错，就过咗嚟食呢餐开年饭喇Menu选择都几多，足足2页饮品，仲有前菜，主菜，但饭类只有5款定食，汤面同拌面就有成十几款～ 我拣咗🍜牛骨浓汤牛肉面，老公同老爷奶奶分便拣咗🍱慢煮猪手便当，🍱蒲烧鲷鱼便当，🍱盐酥鸡翼鲁肉便当，另外再叫咗一个卤香拼盘，麻辣青瓜，盐酥杏鲍菇，茶香肉燥娃娃菜，一场嚟到，梗系要饮埋珠珠茶茶啦～ 老公叫咗珍珠铁观音奶茶，我继续饮我至爱嘅珍珠茉香奶茶🥤落单时话要等15-20分钟，但唔驶5分钟我碗牛骨浓汤牛肉面就出场噜～一上枱已经闻到好香嘅牛肉味，汤底好浓味但一啲都唔漏，牛𦟌炆到淋晒，就咁用汤匙就可以压开几件，唯一不足系啲面淋咗啲，如果可以弹牙返小小就perfect跟住就上咗阿仔至爱嘅盐酥杏鲍菇，香酥嘅外层加埋多汁嘅杏鲍菇，食到停唔到口然后就到呢个麻辣青瓜，落单时已经讲明系固定辣度，唔食得辣就最好唔好试，结果由嗜辣嘅老公挑机，入口唔辣，但𡁻到尾𠮶几吓后劲就嚟料🔥🔥🔥🔥🔥🔥🔥茶香肉燥娃娃菜 - 老实讲系有啲失望，因为碟菜一上枱已经明显见到系唔新鲜，同埋好老，𡁻极都有渣，不过之后大家
Menu选择都几多，足足2页饮品，仲有前菜，主菜，但饭类只有5款定食，汤面同拌面就有成十几款～
我拣咗🍜牛骨浓汤牛肉面，老公同老爷奶奶分便拣咗🍱慢煮猪手便当，🍱蒲烧鲷鱼便当，🍱盐酥鸡翼鲁肉便当，另外再叫咗一个卤香拼盘，麻辣青瓜，盐酥杏鲍菇，茶香肉燥娃娃菜，一场嚟到，梗系要饮埋珠珠茶茶啦～ 老公叫咗珍珠铁观音奶茶，我继续饮我至爱嘅珍珠茉香奶茶🥤
落单时话要等15-20分钟，但唔驶5分钟我碗牛骨浓汤牛肉面就出场噜～
一上枱已经闻到好香嘅牛肉味，汤底好浓味但一啲都唔漏，牛𦟌炆到淋晒，就咁用汤匙就可以压开几件，唯一不足系啲面淋咗啲，如果可以弹牙返小小就perfect
跟住就上咗阿仔至爱嘅盐酥杏鲍菇，香酥嘅外层加埋多汁嘅杏鲍菇，食到停唔到口
然后就到呢个麻辣青瓜，落单时已经讲明系固定辣度，唔食得辣就最好唔好试，结果由嗜辣嘅老公挑机，入口唔辣，但𡁻到尾𠮶几吓后劲就嚟料🔥🔥🔥🔥🔥🔥🔥
茶香肉燥娃娃菜 - 老实讲系有啲失望，因为碟菜一上枱已经明显见到系唔新鲜，同埋好老，𡁻极都有渣，不过之后大家嘅便当都有菜，呢碟只系食咗一半就冇人再掂佢
卤香拼盘 - 由牛筋，牛肠同牛肚组成，配埋芽菜垫底索晒啲卤汁，真心正
牛筋炆到淋晒，入口即溶，仲好劲香料味，但绝对唔系死咸
牛肚就比较爽口，同埋切得比较幼细，唔会𡁻到天光都未𡁻完
老公的盐酥鸡翼鲁肉便当 - 有成半盒都系菜真系好惊喜～ 而且便当嘅菜比我地叫𠮶碟娃娃菜新鲜好多！劫咗老公只盐酥鸡翼，外层酥脆就唔在讲，但啲肉竟然系甜甜地！好有惊喜
老爷的慢煮猪手便当- 猪手好淋好入味，基本上唔驶点咬已经啜到啲肉出嚟，个个都打劫老爷啲猪手，但劫完都仲有好多～ 份量非常慷慨
珍珠茉香奶茶 - 放上枱已经成阵茉莉花味涌埋嚟，一啜入口好似啜咗个花海咁💐 珍珠比平时响街饮嘅细小小，好烟靱
老公嘅珍珠铁观音奶茶 - 茶底继续香滑，但对比我杯茉莉花，梗系争啲啦～～
最后再叫咗甜品 - 铁观音珍珠吐司，系香港限定嘅甜品～ 厚厚嘅吐司配埋铁观音雪糕同厚厚忌廉，铁观音雪糕好香浓，亦好香茶味，奶味偏小，配埋吐司食简直冇得弹
饱到裂开呀～～ 今晚又要跑2个钟先得🏃🏻♀️
张贴
