湊湊火鍋‧茶憩 (K11購物藝術館)

营业中

休息中

本身五月去台湾，不过因为疫情唔知去唔去得成，所以暂时留港消费，望梅止渴先！早阵子去荃湾激安帮衬过凑凑锅，今日星期六系尖沙咀，知k11有凑凑锅，再回味下先，因为锅底选择都好多，红颜花胶鸡锅个汤仲可以饮架！-店员推介汤滚后饮左汤先，汤料有花胶，鲍鱼，鸡肉等等，鲍鱼虽然细细粒，但系超弹牙！因为想试多个汤底，鸳鸯锅另一边拣左台式麻辣锅，鸭血同豆腐系无限添加架。牛肉同羊肉落麻辣锅就吸收左麻辣汤汁，非常过瘾，而落落鸡汤个而就食倒牛肉嘅鲜味，各有各出色。-除左特选羔羊肉同美国特选级牛小排，我地仲叫左三虾拼盘，海鲜类我就最喜爱虾，特别系白勺虾，够食倒虾嘅鲜甜，虾拼盘有一只龙虾，虾肉弹牙，而且虾膏仲非常浓郁，记得唔好渌太耐太老呀！另外两款分别系红虾同白虾，煮完虾后嘅鸡汤，多左阵海鲜味，超好饮。-打得边炉梗系要食手打滑类，今次拣左松茸菇海鲜滑，除左海鲜味足，仲有淡淡菇味。-食得台式野，都要柯打埋镇店嘅台饮啦，打边炉关系无叫珍珠类，反而试左两杯拿铁，分别系铁观音同大红袍，叫左少甜关系所以茶味特别突出，热饮仲系一壶壶咁上，好特别架。-值得一赞嘅系店员服务态度，好似置身台湾咁。