一葉台灣料理

营业中

休息中

昨天和老公在鲗鱼涌探完朋友，朋友知道我喜欢食担担面，所以就介绍咗我哋去食佢屋企附近的依间餐厅，哗个汤底都好浓郁，午市嘅时候都几平，不过就未食过晚市，唔知道价钱。我见佢介绍个汤底几浓郁，就谂住不如去试吓，睇吓系咪都唔错。不过，依间舖头都几难揾，好彩朋友系鲗鱼涌地胆，指引下点样行，如果唔系嘅话，我觉得普通人唔会特登走过嚟呢边食。我哋点咗鸡扒担担面，以及古早味家乡拌面配猪扒。个人觉得鸡扒有点儿干，不过猪扒好好味。冇谂过拌面个面底都几好食，不过觉得最好食嘅真系个担担面，个汤底好浓郁，而且汤底嘅料都几足，花生味同辣酱捞埋一齐，超正！我估系佢有一个鱼仔底嘅辣酱放喺汤底嘅下面，所以搅匀食嘅时候就好正！