九份飽 (蜆殼街) (已搬遷) 新店位置

本身系芋圆迷， 时常四出寻找台湾美食 ，一尝芋圆嘅口感。放工时间大约六点半去到， 唔算多人排队，等候十五分钟就已经可以入座。 首先点咗一碗大嘅怀旧鲁肉饭， 鲁肉饭唔会太油腻，肥肉分明，味道刚刚好唔会太咸👍🏻之后再点咗一个 卤味拼盘， 里面有猪耳鸡翼 牛展 豆腐 蛋半只， 卤水汁唔太咸味道刚刚好 。其中最出色嘅系猪耳， 啖啖骨胶原嘅感觉。食完饭同卤水拼盘又点会够呢，点多个肉松起司蛋饼， 呢一个真系超惊喜，佢里面仲有芝士， 配搭埋肉松，味道非常之好，必试之选。话明系芋圆迷，又点少得个主角 九份芋圆一碗呢。 点咗个 温嘅芋圆， 芋圆嘅汤唔系红豆系甜嘅糖水，芋圆嘅口感非常好。但 虽然话系点咗碗温嘅， 但系豆腐花系冰冻嘅， 而芋圆系暖的， 加埋常温嘅糖水，口感非常之怪，有啲难受。 最后只系食咗半碗。整体表现系良好嘅，但系糖水有待改善。