日月堂

营业中

休息中

今日同大少小妹喺观塘工厦行街，添置母婴用品，行到攰又系时候揾嘢食，上网search到附近依间店都有几多like,一于近近地行过去食嘢。上到去发现小店好有台湾风味，墙身有老街插画，又挂住咗啲菜式嘅小木牌响墙上，帮我转台湾嘅音乐，好有回到台湾嘅气氛。清炖半筋半肉面汤底清甜，牛肉够腍，旧筋入口即溶，面质够阔又弹牙，正~家乡水饺水饺皮薄饀多，味道清淡不浓味，唔需要太多调味，都好好食！台湾香肠切开一片片，食落好方便，加埋调味粉，味道又提升一层次。仙草芋圆芋圆有三只味，三只都好弹牙，仙草有淡淡青草香，配合埋好清新，又美味！热黑糖珍珠鲜奶呢杯嘢饮份量多，黑糖好多，黑糖味浓郁，鲜奶又热又滑，刚刚秋风起，饮落好暖胃。冻金桔柠檬红茶杯嘢饮好大杯，走都饮唔晒，饮落唔太甜，清新又解渴。