拉麵台風 (已搬遷) 新店位置

好耐都冇食过拉面，就去食我平时最爱嘅台风拉面啦！估唔到佢终于都出其他颜色嘅暴雨拉面啦!!! 但竟然系芫荽猪骨汤拉面$83，虽然我个人唔讨厌芫荽，但都想一试，睇吓自己接唔接受到🤣🤣拉面一到枱，就有淡淡嘅芫荽味，味道唔算太浓烈，叉烧上面有用芫荽同辣椒制成嘅酱油，如果钟意芫荽嘅人可以选择多啲酱油。猪骨汤汤底带有芫荽碎，应该就系香味嘅来源之一，饮落芫荽味唔太强烈，初试芫荽嘅朋友都应该接受到。糖心蛋拉面叉烧水准都一如以往保持稳定。所以荃湾台风一直系我拉面三甲首选。