必勝客

营业中

休息中

数数手指，都真系好耐无食过Pizza Hut了，今日星期日又撞正8号仔台风，懒懒地唔想煮野食，就「戚」起条根，落去屋企附近既Pizza Hut 食返餐。我地叫左：原味鸡翼；忌廉汤；意式风情；拿玻里肉丸同埋酥脆蝴蝶虾，仲有2碗蘑菇忌廉汤。。原味鸡翼系我每次食Pizza Hut 都必点既，皮脆肉滑， 我觉得焗得岩岩好，咬开第一啖，D汁即刻流晒出黎，钟意食辣既朋友，可以试下辣味鸡翼，同样系美味的。今次叫左个意式风情：最喜欢既就系佢个批软硬适中，唔会粉多过咩⋯ 批里面有千岛酱，批面有例牌菠萝，火腿，蘑菇同埋鸡肉，加加埋埋，食落口 口感不太差。全场最喜欢个蘑菇汤：粒粒蘑菇落足料，味道唔淡唔重，感觉岩岩好，正另外叫左个拿玻里肉丸：汁加左芝士同茄汁落去一齐焗，食落口 其实系猪肉丸黎，冇咩惊喜同特别。最后叫左个酥脆蝴蝶虾：今次就感觉麻麻地，因为只只都有D窿窿地，但虾肉都尚算爽口既。但佢地D服务呢～ 就不敢恭维，我地食食下，居然走黎叫我转枱，明明系佢地安排我地坐既，最好笑系由2人位转返去2人位😑。