喜臨門盆菜公司 (非門市)

营业中

休息中

话说新年想订个盆菜同家人一同分享，朋友介绍盆菜话喜临门呢间喺新界区出名，$1250 一盆12人用固定左份量，其实我哋屋企得四个人食，但谂住如果好味就唔紧要啦照订个，点知完全中哂伏，首先讲吓有啲咩材料，官网叙述有如下：祖传秘制腩肉 | 大门鳝干 | 家乡咸鸡 | 蚝油炆冬菇 | 五香芋头 | 特制鱼蛋 | 豉油大虾 | 鲜味鱿鱼 | 酱爆猪皮 | 香滑支竹 | 清甜萝卜望落去似乎好似冇问题系咪呢？大门鳝干出晒事，搞到成个盆菜全部都系鱼骨，有大有小的鱼骨布满整个盆菜，系连住喺其他𩠌菜之间，点搞呀？成晚就系喺度揾鱼骨，又要每一啖都谨慎小心咁食，食得劲唔自在！味道：完全系冇味道可言，原来呢个叫正宗围村盆菜嘅味道？我去过围村食盆菜完全唔系咁架味道！一嚟冇汁，二来冇味！系每一款都无味！每年都订另一品牌，今年谂住试吓新野，就出事了！重要系特登揸车入去屯门工业村自取！车钱都蚀埋！好食就话啫，全晚我们都冇乜食过，成盘倒了，咁嘅新年饭真系令人很难忘！完全系颠覆我对盆菜嘅想像！