影片
更多
2021-08-01
326 浏览
因为落大雨费事去咁远，所以去咗隔离屋村楼下呢间茶餐厅，原来系受气嘅开始！首先张凳都几污糟下，我都费事麻烦啲阿姐，自己用湿纸巾抹就算，然后想揾人收咗啲纸巾，举极手都冇人应，唯有放住喺张凳背一角（我都好唔想有张咁污糟嘅纸巾喺我隔离食嘢，不过冇办法）叫咗两个早餐，其中一个加$3转蕃茄汤底，谂住俾小朋友食，点知咸到阿妈都唔认得！自问都唔系唔食得浓味嘅人，但𠮶种咸系咸到涩，谂住同侍应讲，又系举极手冇人应，到终于有个阿姐嚟，我话「呢个蕃茄汤好咸㖞，完全食唔到㖞」，佢听完竟然转身准备走！（我估佢当我讲完就算） 我要叫住佢，问佢咁而家点，佢都系冇反应，然后屋企人提议不如换过第二样，个阿姐先不情不愿咁问我想换乜嘢！好不容易一碗叫做正常嘅通粉嚟到，谂住开始食啦，点知有个女食客自己走咗入嚟坐喺隔离枱，出面等位嘅人就开始闹佢，有个男食客话佢冇攞飞，叫佢出返嚟，个女食客就话头先冇人等佢先入嚟，个男食客当然继续闹啦，人哋攞咗飞喺附近等紧，佢咁样打尖，最搞笑系成个过程完全冇职员处理，由得食客喺度嘈，另外等位嘅两夫妇都同个收银讲，佢哋应该要处理下，因为真系嘈咗好耐！我都出声叫职员处理，因为真系嘈到吓亲小朋友（附近几张
首先张凳都几污糟下，我都费事麻烦啲阿姐，自己用湿纸巾抹就算，然后想揾人收咗啲纸巾，举极手都冇人应，唯有放住喺张凳背一角（我都好唔想有张咁污糟嘅纸巾喺我隔离食嘢，不过冇办法）
叫咗两个早餐，其中一个加$3转蕃茄汤底，谂住俾小朋友食，点知咸到阿妈都唔认得！自问都唔系唔食得浓味嘅人，但𠮶种咸系咸到涩，谂住同侍应讲，又系举极手冇人应，到终于有个阿姐嚟，我话「呢个蕃茄汤好咸㖞，完全食唔到㖞」，佢听完竟然转身准备走！（我估佢当我讲完就算） 我要叫住佢，问佢咁而家点，佢都系冇反应，然后屋企人提议不如换过第二样，个阿姐先不情不愿咁问我想换乜嘢！
好不容易一碗叫做正常嘅通粉嚟到，谂住开始食啦，点知有个女食客自己走咗入嚟坐喺隔离枱，出面等位嘅人就开始闹佢，有个男食客话佢冇攞飞，叫佢出返嚟，个女食客就话头先冇人等佢先入嚟，个男食客当然继续闹啦，人哋攞咗飞喺附近等紧，佢咁样打尖，最搞笑系成个过程完全冇职员处理，由得食客喺度嘈，另外等位嘅两夫妇都同个收银讲，佢哋应该要处理下，因为真系嘈咗好耐！我都出声叫职员处理，因为真系嘈到吓亲小朋友（附近几张枱都有小朋友），然后啲职员真系借咗聋耳陈只耳，最后个女人败走。
好戏在后头，我准备去埋单嘅时候，有个女士应竟然用极粗鄙嘅语气叫我「唔该你执返𠮶啲纸巾先好走，系你搞出嚟㗎嘛」，真系火都嚟！我都唔要求你俾咩服务我，你竟然叫我自己带返啲纸巾走？
我即刻叫佢揾个负责人出嚟（平时有个疑似系负责人嘅男人，今日唔喺度），有个女仔就声称系负责人，系咁讲唔好意思，我问佢使唔使自己执埋碗洗埋碗先走！跟住我再讲返头先叫天不应叫地不闻嘅状况，佢九唔搭八话减返蕃茄汤𠮶$3俾我，我系咪要多谢你！
𠮶个叫我自己执嘢嘅女士应仲想拉我出去舖头外面，指个投诉电话俾我，佢仲要劲大声叫我投诉饱佢！真系把炮！
你咁「有礼貌」我当然都想送你一程！可惜个电话系冇人听嘅！唔怪得佢啲员工可以咁恶！
想帮衬嘅祝你好运！
仲话呢度有投诉电话，叫我投诉饱佢
30 浏览
0 赞好
0 留言
张贴
